Është jetike që fëmijët të kenë ushqimin e duhur që në moshë të vogel, në mënyrë që ata të mund të bëjnë një jetë të shëndetshme dhe pa sëmundje. Kur ushqimi konsumohet, tretet dhe absorbohet nga trupi sic duhet, ai siguron energjinë që nevojitet për të kryer funksione të ndryshme thelbësore, për rritjen dhe zhvillimin e duhur. Zakonet e konsumimit të ushqimit te femijet kanë ndryshuar gjatë dekadave të fundit. Aktualisht, shumë fëmijë konsumojnë ushqime të pasura me yndyrë, veçanërisht yndyrna të ngopura, pije të ëmbla, fast food. Ata nuk hanë mjaftueshëm fruta, apo perime dhe për pasojë nuk konsumojnë mjaftueshëm fibra. Përveç kësaj, marrja e kalciumit, vitaminës D dhe hekurit është gjithashtu e ulët. Këto zakone të këqija të të ngrënit shpesh rezultojnë në mangësi te elementeve ushqyes.
Çfarë është deficienca nutricionale?
Deficienca nutricionale do të thotë që trupit i mungojnë disa mikro ose makro-elemente nutricional esencialë të cilët janë të rëndësishëm për të kryer disa funksione thelbësore trupore si rritja trupore dhe rigjenerimii vazhdueshem I organizmit.
Paaftësia e trupit për të absorbuar këto lëndë ushqyese thelbësore mund të çojë në komplikime afatgjata shëndetësore si probleme të lëkurës, probleme të tretjes, sëmundje kardiovaskulare, obezitet dhe rritje e demtimit të kockave. Ajo gjithashtu ndikon në aftesite konjitive, te menduarit si dhe funksione te tjera te trurit.
Shenjat e deficiencave nutricionale
Shenjat e zakonshme të mungesës ushqimore përfshijnë ndalimin e rritjes, dobësi të përgjithshme, probleme me frymëmarrjen, zakone të këqija të të ngrënit dhe mungesë përqendrimi. Gjumi, dëshirat e pazakonta për ushqim, lëkura ose flokët e thatë dhe vuajtja nga infeksionet kronike mund të jenë gjithashtu shenja të ushqyerjes së dobët. Ne varesi te elementeve nutritive qe mungojne mund te kemi:
-Mungesa e hekurit: Manifestohet me lodhje, mungese oreksi, lëkure e zbehtë, rënie e flokëve, nervozizem, predispozite per anemi.
-Mungesa e vitaminës D: Shfaqet me dhimbje kockash, vonese e rritjes, zbutje e kockave, deformime skeletore.
-Mungesa e zinkut: Shenjat jane: sëmundshmeri e vazhdueshme, vonese ne rritje, shërim i ngadalshëm i plagëve
-Mungesa e kalciumit: Shfaqet me lëkure te thatë, thonj te brishtë, ngërçe te muskujve, mund të çojnë në rakit.
-Mungesa e B12: Manifestohet me vonesa në zhvillim, dobësi, humbje oreksi, mund të përparojnë në anemi.
-Mungesa e kaliumit: Dobësi muskulore, kapsllëk, lodhje, raste të rënda mund të përfshijnë vështirësi në frymëmarrje.
– Mungesa e fibrave: Kryesisht kontribuon në kapsllëk, por mund të shkaktojë edhe diarre për shkak të reduktimit të diversitetit të baktereve të zorrëve.
Çfarë I shkakton deficiencat nutricionale?
Në shumicën e rasteve, deficienca nutricionale fillon qe në barkun e nënës. Mungesa e lëndëve ushqyese të ndryshme tek nëna si acidi folik, kalciumi, omega-3, vitamina D dhe jodi mund të rezultojë në probleme shëndetësore të të porsalindurit, prandaj duhet ti kushtohet rendesi ushqyerjes së nënës.
Tek të vegjlit, shkaqet më të zakonshme të ushqyerjes joadekuate janë marrja e paket e ushqimit, zakonet e pashëndetshme të të ngrënit, sëmundjet e shpeshta ose kronike etj. Paaftësia e trupit për të absorbuar lëndët ushqyese nga ushqimi mund të shkaktohet edhe nga sëmundjet.
Deficiencat e zakonshme nutricionale
Për të ruajtur trurin, muskujt, kockat, nervat, lëkurën, qarkullimin e gjakut dhe sistemin imunitar, fëmijët kanë nevojë për një furnizim të qëndrueshëm të makronutrientëve (proteina, yndyrna dhe karbohidrate) dhe mikroelemente (vitamina dhe minerale). Mikronutrientët, megjithëse kërkohen në sasi të vogla, janë thelbësore për rritjen dhe zhvillimin e duhur të trupit.
Mangësitë më të zakonshme janë kalciumi, fibrat, zinku, hekuri, magnezi, kaliumi, proteinat, vitaminat E, B12 dhe D. Për fëmijët që kanë vështirësi në marrjen e lëndëve ushqyese të duhura vetëm përmes ushqimit, suplementet ushqimore mund të ndihmojnë.
Rendesia e diagnoses se hershme
Diagnoza e sakte dhe e hershme e deficiencave nutricionale te femijet nga nje mjek eshte esenciale per te siguruar trajtimin e duhur si dhe per te parandaluar problemet me te renda shendetesore qe mund te shfaqen me vone. Check up-et e rregullta jane te domosdoshme ne detektimin e hershem.
Te trajtosh ne kohe deficiencat nutricionale eshte shume e rendesishme. Rezervoni nje takim me mjeken nutricioniste ne kliniken “Fithealth”, merr trajtimin e personalizuar dhe kujdesu per shendetin dhe mireqenien e femijes tuaj!
Leave a comment